A 46ª edición da Feira Internacional ABANCA SEMANA VERDE DE GALICIA será outro ano máis a Feira de Galicia, e converterase de novo no maior certame multisectorial e de lecer de todo o noroeste peninsular, co respaldo dos miles e miles de visitantes que encherán o recinto.

Volverá representar unha oportunidade única para que empresas, organismos, institucións e colectivos poidan xerar negocio, achegarse ao público e vincularse a el, reforzar o seu posicionamento e aumentar a súa visibilidade, promocionar e difundir a súa actividade, establecer alianzas e buscar colaboradores, etc.

Un certame que aposta desde hai máis de 40 anos por ser un fiel reflexo da comunidade galega e da impresionante evolución que toda a cadea de valor do sector primario experimentou, e que evolucionou incorporando novas propostas de lecer e novos sectores que non fixeron máis que enriquecer e consolidar o certame.